Релационен модел

ЕР Дијаграм

Дополнителен Опис

• Базата на податоци е поделена на неколку логички слоеви кои овозможуваат целосно управување со еден салон или мрежа од салони. Основниот слој го сочинуваат табелите Company, Company_Location и Company_Category. Преку Business_Hours се дефинира работното време за секоја локација посебно.

• Системот за корисници е изграден врз табелата User, со специјализирани подтипови преку табелите Client, Owner и Staff.

• Табелата Staff_Type го дефинира профилот на вработените (на пример: фризер, козметичар), користејќи го енум типот staff_role_type_enum.
• Staff_Availability и Blocked_Time се клучни за менаџирање на работниот календар, каде се чуваат периодите кога вработениот е достапен за закажување, како и периодите кога е отсутен или недостапен.

• Делот за услуги е дефиниран преку Service и Service_Category.

• Табелата Staff_Service ги поврзува вработените со услугите кои тие ги нудат.
• Service_Price_History ги чува сите историски промени на цените, овозможувајќи точна пресметка и анализа на приходите за различни временски периоди.

• Процесот на закажување е централизиран во табелата Appointment, каде се поврзуваат клиентите, вработените и локациите.

• Статусот на терминот е дефиниран преку appointment_status_enum.
• За потребите на пребарување на слободни термини, табелата Staff_Time_Slot овозможува прецизно планирање врз основа на времетраењето на услугите и расположливоста на вработените.

• Финансискиот слој и лојалноста се опфатени преку:

• Invoice, каде се генерира финалната сметка за терминот, вклучувајќи ја и примената на Promo_Code.
• Inventory и Appointment_Product, кои овозможуваат следење на продуктите и потрошните материјали употребени за време на терминот, како и управување со залихите.
• Review, која им овозможува на клиентите да го оценат искуството и квалитетот на услугата.
• Loyalty_Transaction, која претставува систем за следење на движењето на поените кај клиентите, без разлика дали тие се заработени или искористени.

• Во табелите Appointment_Service и Appointment_Product постои контролирана денормализација со цел зачувување на историски точни податоци за фактурирање. Во нив се чуваат цените и количините кои важеле во моментот на креирање на терминот, бидејќи оригиналните вредности мора да останат непроменети дури и ако цените на услугите или продуктите се изменат во иднина.