= Дефинирање на проектот - Blink Buy

== Членови на тимот

||= Име и Презиме ||= Индекс ||= Улога ||
|| Ева Ѓорѓевиќ || 231169 || Координатор ||
|| Илија Трајковски || 231050 || Член на тимот ||
|| Марија Манчева || 231286 || Член на тимот ||
|| Филип Ташков || 231164 || Член на тимот ||

== Краток опис на проектот
'''Blink Buy''' претставува сеопфатна е-commerce платформа наменета за онлајн трговија со фокус на прецизно управување со залихите и логистиката. Системот овозможува поврзување на купувачите со производи преку интуитивен кориснички интерфејс.

'''Купувачите''' можат да пребаруваат производи преку категории и атрибути, да управуваат со кошнички и листи на желби, да користат купони за попуст и да учествуваат во програма за лојалност. Системот овозможува преглед на статусот на нарачките и пратките.

'''Продавачите''' имаат напредна контрола врз инвентарот. Наместо само следење на вкупна количина, системот овозможува следење на конкретни физички единици (Product Instances) преку сериски броеви, што е од клучно значење за гаранции и контрола на квалитет.

'''Администраторите''' го надгледуваат целиот екосистем, вклучувајќи го управувањето со категориите, конфигурација на методите за достава, безбедносните логови на системот и решавање на тикети за корисничка поддршка.

== Детален опис на проектот

'''1. За кого е наменета базата на податоци и проектот односно кој според вашата замисла ќе биде одговорен да ја поседува базата на податоци и апликацијата и да ги обезбедува како сервис - дали е тоа фирма/институција/организација или е поединец и краток опис за нивните потреби?'''

    Базата на податоци и самата платформа се наменети за фирма/организација која дејствува како сопственик на сервисот (Platform Provider) според SaaS модел. Оваа организација е одговорна за одржување на инфраструктурата, додека нејзините потреби се фокусирани на овозможување на сигурна и скалабилна околина за тргување. Корисници на овој сервис се:

    '''Фирми-продавачи (Vendors):''' Компании на кои им е потребен напреден систем за дигитална продажба и софистицирано менаџирање на магацинското работење без да инвестираат во сопствен софтвер.

    '''Физички лица (Customers):''' Крајни купувачи кои имаат потреба од централизирано место за безбедно пазарување, споредба на цени и следење на лојалност.

'''2. Какви проблеми во фирмата или организацијата ќе решавате со вашата изработка?'''

    Blink Buy решава критични деловни и логистички проблеми со кои се соочуваат современите e-commerce организации:

    '''Комплексна логистика на повеќе продавачи:''' Овозможува ефикасно управување со залихи распоредени во повеќе магацини на различни локации.

    '''Непрецизност во следењето на залихите:''' Проблемот со водење само на вкупна количина е решен преку воведување на физички примероци (Product Instances), што овозможува прецизно следење на секој артикл преку уникатен сериски број.

    '''Управување со гаранции и рекламации:''' Поради серијализацијата на производите, лесно се утврдува кој точно примерок е продаден, кога и со каква гаранција.

    '''Финансиска транспарентност:''' Водењето на историја на цени (Price History) помага во заштита на потрошувачите и аналитика на пазарот.

    '''Доверба кај купувачите:''' Решавање на проблемот со лажни или нерелевантни рецензии преку систем за гласање за нивната корисност (Helpful votes).

'''3. Какви видови корисници ќе имаат пристап до базата и проектот - во смисла на типови вработени во фирмата/институцијата или клиенти?'''

    Пристапот до системот е поделен врз основа на улогите дефинирани во релациониот модел:

    '''Администратори:''' Вработени кај сопственикот на платформата кои го надгледуваат целиот систем, управуваат со шифрарниците и безбедносните логови.

    '''Продавачи (Sellers):''' Компании-клиенти или нивни вработени кои управуваат со залихите и магацините поврзани со нивниот профил.

    '''Купувачи (Customers):''' Крајни клиенти кои пристапуваат до платформата за да купуваат производи, управуваат со своите профили и адреси.

    '''Агенти за поддршка (Support Staff):''' Вработени одговорни за процесирање на тикетите за поддршка и решавање на конфликти, моделирани преку системот на улоги.

'''4. Ако има други слични идеи во истата фирма или во околината, или веќе постојат готови решенија во светот, во што е различен вашиот предлог?'''

    Како студентски проект, се фокусиравме на тоа да да ја раздвоиме правилно логиката на производите од магацинското работење. Главната разлика е во подеталното моделирање на физичките примероци (сериски броеви), што ни овозможува подобра контрола врз залихите и полесно решавање на евентуални рекламации или гаранции. Дополнително, моделот користи табела за алокација `ORDER_ITEM_ALLOCATIONS` која ги поврзува продадените ставки со конкретни физички примероци, овозможувајќи поддршка за количини > 1 и прецизна логистика.

'''5. Дали се работи за веб, мобилна и/или десктоп апликација?'''

    Проектот Blink Buy е замислен и се развива како '''веб апликација'''.