Опис на проектот: EventMK

Главна цел

EventMK е централизиран информациски систем наменет за управување со настани, резервации и продажба на билети. Системот има за цел да ги поврзе организаторите на настани со крајните корисници, овозможувајќи лесно креирање настани, следење на капацитетите на локациите и сигурна евиденција на трансакциите. Базата на податоци ќе биде дизајнирана да поддржува висок обем на податоци и брзо пребарување.

Актери во системот (Кориснички улоги)

Системот ќе поддржува повеќе типови на корисници со различни привилегии:

• Администратор: Има целосна контрола врз платформата. Одобрува нови организатори, менаџира со шифрарници (типови на настани, градови) и има увид во целосната статистика за користење на системот.
• Организатор: Креира и менаџира сопствени настани. Дефинира локации, капацитет, различни категории на билети (на пр. VIP, Parter, Трибина) и нивни цени.
• Купувач (Краен корисник): Пребарува настани според категорија, локација или датум. Може да креира профил, да врши резервации, да купува билети и да ја прегледува својата историја на нарачки.

Главни податочни барања и ентитети

За успешно функционирање на бизнис логиката, базата на податоци ќе чува информации за следните клучни ентитети:

• Корисници (Users): Податоци за профилите, автентикација и улоги.
• Настани (Events): Детали за самиот настан (име, опис, датум, време, статус).
• Локации (Venues): Информации за објектите каде се одржуваат настаните (име, адреса, град, максимален капацитет, сектори/зони).
• Билети (Tickets): Типови на билети поврзани со конкретен настан, цена, достапна количина и уникатни кодови за валидација.
• Нарачки/Резервации (Orders): Евиденција за купени билети, статус на нарачката, време на трансакција и поврзаност со купувачот.
• Категории (Categories): Класификација на настаните (на пр. Концерт, Театар, Спорт, Семинар).

Бизнис процеси кои ќе се моделираат

Моделот на податоци строго ќе внимава на релацискиот интегритет. На пример, при купување на билет, системот преку трансакција ќе треба да провери дали има слободни места за таа категорија во дадената локација и соодветно да го намали достапниот капацитет за да не дојде до "overbooking".