FEiN

Членови на тимот

Име и презиме	Индекс
Василаки Тоцили	211101

Краток опис на проектот

FEiN е мобилна апликација која овозможува едноставно и ефективно управување со личните финансии.

Корисниците внесуваат дневни трансакции, кои автоматски се пресметуваат и распределуваат по сметки (трансакциски, кредитни, кеш, девизни), давајќи увид во преостанатите средства и потрошеното. Секоја трансакција може да се категоризира за понапредна анализа, овозможувајќи графички приказ на трошењето по категории. Апликацијата генерира статистики за месечна потрошувачка, дневни трошоци, како и проекции за идно трошење.

FEiN користи централна база на податоци, овозможувајќи сигурност и конзистентност на податоците за сите корисници. Со FEiN, наместо со Excel-базирано следење, времето за внесување на податоци се намалува, а шансите за човечки грешки се сведуваат на минимум. Во иднина, FEiN би овозможил интеграција со модели за машинско учење за предвидување и оптимизирање на личниот буџет.

Детален опис на проектот

• За кого е наменет проектот односно кој според вашата замисла ќе биде одговорен да ја поседува базата на апликацијата и да ја обезбедува како сервис - дали е тоа фирма/институација/организација или е поединец и краток опис за нивните потреби?

Проектот е наменет за индивидуални корисници кои сакаат да управуваат со своите лични финансии на едноставен и интуитивен начин. Корисниците креираат сметки со кои пристапуваат до централна база на податоци преку апликацијата. Базата ќе биде администрирана централизирано од тимот што стои зад FEiN, со цел обезбедување на сигурност, конзистентност и лесен пристап од било кој уред.

• Какви проблеми во фирмата или организацијата ќе решавате?

FEiN ги решава следните проблеми поврзани со управување на личните финансии:

1. Осигурување на точност при внесување податоци: За разлика од Excel, каде што форматните грешки и пропусти се чести, FEiN ќе обезбеди стандардизиран начин за внесување на трансакции. Ова ќе ја намали можноста за грешки и ќе им олесни на корисниците во следењето на нивниот буџет.
2. Подобрено корисничко искуство: Апликацијата ќе понуди интуитивен и лесен за користење интерфејс, кој ќе го замени комплексното и визуелно ограничено искуство на Excel.
3. Автоматски пресметки и визуализации: FEiN автоматски ќе ги пресметува вкупните потрошени и преостанати средства, ќе ги категоризира трошоците и ќе прикажува визуелизации за полесна анализа на финансиските податоци.
4. Пристап до детални статистики без дополнителни трошоци: За разлика од други апликации, FEiN ги нуди сите статистики бесплатно, овозможувајќи длабински увид во финансиските навики.

• Какви видови корисници ќе има апликацијата - во смисла на типови вработени во фирмата/институцијата или клиенти?

FEiN е наменета исклучиво за индивидуални корисници. Во почетната фаза, сите корисници ќе имаат бесплатен пристап до апликацијата и сите нејзини функционалности. Нема да има различни типови на кориснички профили или премиум функции во првата верзија.

• Ако има други слични проекти во фирмата или во околината, или веќе постојат готови решенија во светот, во што е различен вашиот предлог проект.

FEiN се издвојува по следното:

1. Над Excel-базираните системи: Решавајќи ги проблемите со рачно внесување и форматни грешки, FEiN обезбедува структурирано и автоматизирано управување со личните финансии, во значително подобрено корисничко искуство.
2. Конкуренција со слични апликации: За разлика од многу слични апликации кои нудат напредни статистики и прогнози како премиум функции, FEiN ги нуди истите бесплатно и со отворен код од самиот почеток.

• Дали се работи за веб, мобилна и/или десктоп апликација?

FEiN е планирана како мобилна апликација, со фокус на достапност и практичност за корисниците, кои можат лесно да внесуваат трансакции и да ги следат своите финансии од својот паметен телефон.