== Краток опис на проектот ==

NETIntel претставува систем за мониторинг и анализа на компјутерски мрежи и уреди, 
наменет за собирање, складирање и преглед на податоци поврзани со перформансите 
и безбедноста на компјутерските системи. Проектот се состои од клиентска апликација 
инсталирана на поединечни компјутери и централен сервер кој ги обработува и визуелизира 
собраните податоци.

Клиентската апликација периодично собира информации за искористеноста на системските 
ресурси (CPU, RAM, диск), активните процеси, мрежните конекции и безбедносните настани 
(Sysmon или симулирани Sysmon податоци) и ги испраќа до серверот преку мрежна конекција.

Серверската апликација ги складира податоците во релациона база на податоци, 
организирани по логички околини (environments), и овозможува централизирано следење 
на повеќе уреди преку веб интерфејс. Преку системот може да се добие увид во моменталната 
состојба на уредите, историјата на перформансите и потенцијалните безбедносни закани.

== Детален опис на проектот ==

=== За кого е наменета базата на податоци и проектот ===

Проектот NETIntel е наменет за поединци, организации и институции кои имаат потреба 
од централизирано следење и анализа на компјутерски системи во локална или распределена 
мрежа. Системот може да се користи од:

 * систем администратори кои управуваат со повеќе компјутери,
 * компании кои сакаат подобар увид во перформансите и безбедноста на својата инфраструктура,
 * образовни институции за мониторинг на лабораториски компјутери.

Базата на податоци служи како централен репозиториум за сите собрани логови и метрики, 
овозможувајќи анализа, пребарување и генерирање извештаи.

=== Какви проблеми во фирмата или организацијата се решаваат со проектот ===

NETIntel овозможува решавање на следните проблеми:

 * недостиг на централизирано следење на повеќе уреди,
 * отежнато откривање на проблеми со перформансите,
 * задоцнета идентификација на потенцијални безбедносни инциденти,
 * недостаток на историски податоци за анализа и споредба.

Со автоматизираното собирање и обработка на податоци, системот овозможува 
навремена реакција, подобра стабилност на системите и зголемена безбедност.

=== Какви видови корисници ќе имаат пристап до системот ===

Системот предвидува следниве типови корисници:

 * Администратор – управува со environments, токени за пристап и има целосен увид 
   во сите податоци во системот.
 * Клиент (компјутер) – автоматски испраќа податоци до серверот преку client апликацијата.
 * Аналитичар/набљудувач – преку веб интерфејс има пристап за преглед и анализа на 
   податоците и логовите.

Проектот е дизајниран со можност за понатамошно проширување, како што се интелигентна 
анализа на логови (RAG систем), автоматска детекција на аномалии и напредни извештаи.