Релационен модел

ER Дијаграм

Дополнителен опис

Табелите Category, Room_Type, Species и Breed служат за дефинирање на статични (lookup) податоци во системот. Овие ентитети се издвоени во посебни табели со цел да се постигне нормализација и да се избегне повторување на податоци. На пример, Category овозможува централизирано управување со типовите на производи, што го олеснува нивното менување и проширување без потреба од измени во повеќе записи. Слично, Room_Type овозможува флексибилно дефинирање на типови на соби и нивните цени, што е подобро отколку цената да се чува директно во Room, бидејќи повеќе соби можат да делат ист тип.

Species и Breed се моделирани како посебни табели со релација 1:N со цел да се избегне повторување на текстуални вредности и да се овозможи конзистентност при внес на податоци. Ова исто така овозможува лесно додавање нови видови и раси без влијание врз постоечките записи.

Табелата Product содржи информации за производите и е поврзана со Category и Supplier. Supplier ги содржи сите информации за добавувачите, што спречува повторување доколку повеќе производи доаѓаат од ист добавувач. Ваквиот дизајн го олеснува и ажурирањето на податоците за добавувачите.

Табелата Order претставува нарачка направена од хотелот. Таа е моделирана како посебен ентитет за да се овозможи следење на историјата на набавки, статуси на нарачки и нивна обработка независно од самите производи.

Во табелата OrderProduct имаме M:N врска помеѓу Order и Product, која е разрешена преку посебна табела. Во неа се чуваат количината и единечната цена на производ во дадена нарачка. Овој пристап е избран бидејќи една нарачка може да содржи повеќе производи и еден производ може да се појави во повеќе нарачки. Дополнително, чувањето на unit_price во оваа табела овозможува историска конзистентност, односно цената во моментот на нарачка да остане непроменета дури и ако се промени основната цена во Product.

Табелата Delivery ги поврзува нарачките со хотелот и го следи процесот на испорака. Таа е издвоена од Order за да се овозможи флексибилност. Една нарачка може да има различни состојби на испорака, или во иднина да се поддржат повеќе испораки по една нарачка. Табелата е во релација со OrderProduct за да овозможи пратење на статусот и датумот на испорака на секој поединечен производ.

Табелата Reservation претставува агрегат кој ги поврзува Customer, Pet и Employee. Овој дизајн овозможува:

• следење кој клиент направил резервација
• за кое милениче се однесува
• кој вработен е одговорен

Табелата содржи и статус, цена и белешки, што ја прави главен извор на информации за престојот.

RoomReservation ги чува датумите на пријавување и одјавување и ја поврзува резервацијата со соба.

ServiceReservation ги чува закажаните услуги. Оваа табела е потребна бидејќи една резервација може да вклучува повеќе услуги во различни термини.

PetDelivery ги чува информациите за транспорт на миленичето. Оваа функционалност е издвоена бидејќи не секоја резервација вклучува достава, па со тоа се избегнуваат null вредности во Reservation.

Табелата Payment е поврзана директно со Reservation. Секоја резервација може да има повеќе уплати за кои се чува датум, износ, метод на плаќање и статус.

Табелата Employee_Service е резултат на M:N релација помеѓу Employee и Service. Еден вработен може да врши повеќе услуги, а една услуга може да ја вршат повеќе вработени.

Product_Service дефинира кои производи се потребни за одредена услуга. Табелата се користи за пресметка на трошоци и анализа на потрошувачка.

Табелата MedicalRecord ги чува медицинските записи за секое милениче и е поврзана со Pet во 1:N релација. Овој дизајн овозможува секое милениче да има повеќе записи низ времето, што е важно за следење на историјата и обезбедување на соодветна грижа.

Табелата Review овозможува клиентите да оставаат рецензии за хотелот.

Табелата Date служи за следење на достапноста на собите по датум. Овој пристап е избран наместо динамичко пресметување со цел:

• побрзо пребарување
• поедноставна логика за проверка на достапност
• можност за предгенерирање на календар на достапност