Дефинирање на проектот

Членови на тимот

Име и Презиме	Индекс	Улога
Давор Ангелов	231020	Координатор

Краток опис на проектот

TradingMK 2.0 е надградена верзија на веб апликацијата TradingMK за симулација на тргување со акции на Македонската берза. Покрај основните функции (регистрација, портфолио, купување/продавање акции, следење цени), новата верзија додава модули за финансиски трансакции, дивиденди и CFD тргување (LONG/SHORT позиции). Воведена е и симулација на реален брокерски процес со одобрување на нарачки и нивно извршување како MARKET или LIMIT. Со овие подобрувања, системот станува пореалистичен и понапреден, приближувајќи се до вистински платформи за инвестирање.

Детален опис на проектот

За кого е наменета базата на податоци и проектот односно кој според вашата замисла ќе биде одговорен да ја поседува базата на податоци и апликацијата и да ги обезбедува како сервис - дали е тоа фирма/институација/организација или е поединец и краток опис за нивните потреби?

• Проектот е наменет за брокерски куќи или финансиски институции кои посредуваат при тргување со акции на Македонската берза. Нивните потреби вклучуваат:
  • дигитализација на процесот на поднесување и обработка на нарачки
  • централизирано управување со клиенти и портфолија
  • следење и евиденција на сите трансакции
  • зголемена транспарентност и контрола врз тргувањето

Какви проблеми во фирмата или организацијата ќе решавате со вашата изработка?

• Системот решава неколку практични проблеми:
  • Рачно или делумно дигитализирано управување со нарачки
  • Недостаток на централизирана платформа за клиенти и брокери
  • Ограничена транспарентност во процесот на тргување
  • Сложена евиденција на трансакции, дивиденди и портфолија
  • Недостаток на поддршка за напредни инструменти како CFD

Какви видови корисници ќе имаат пристап до базата и проектот - во смисла на типови вработени во фирмата/институцијата или клиенти?

• Клиенти (инвеститори) - поднесуваат нарачки, управуваат со портфолио и средства
• Брокери (администратори) - одобруваат/одбиваат нарачки и управуваат со нивното извршување
• Систем администратори - одржување на системот и управување со податоци

Ако има други слични идеи во истата фирма или во околината, или веќе постојат готови решенија во светот, во што е различен вашиот предлог?

• TradingMK 2.0 се издвојува по:
  • Целосна дигитализација на брокерскиот процес (со човечка контрола)
  • Поддршка за MARKET и LIMIT нарачки со автоматско следење на цени
  • Интеграција на финансиски трансакции, дивиденди и CFD во еден систем
  • Фокус на потребите на локалниот пазар (Македонска берза)
  • Детална евиденција и логирање на сите активности

Дали се работи за веб, мобилна и/или десктоп апликација?

• Апликацијата е веб-базирана, достапна преку прелистувач, со можност за идно проширување во мобилна апликација.