Дефинирање на проектот

Краток опис на проектот

Оваа база на податоци и веб-апликација ќе служи за управување со јога часови (*trainings*), пакети за вежбање (*packages*), специјални настани (*events*) и продажба на јога опрема (*merch_items*).

• Корисниците ќе можат да резервираат часови од календар, купуваат пакети („5-Class Pass“ и сл.) и да се пријавуваат на специјални настани (*workshops, retreats*).
• Инструкторите ќе ги уредуваат и ажурираат часовите (*trainings*), назначените термини (*schedule*) и ќе следат резервации.
• Администраторите ќе ја одржуваат базата (*manage users, instructors, events, packages*), ќе управуваат со резервациите (*user_bookings*) и ќе следат продажба на опрема (*merch_items*).

Детален опис на проектот

За кого е наменета базата на податоци и проектот?

Базата на податоци и веб-апликацијата BlissCore се наменети за јога студија, инструктори и нивните клиенти.

• Јога студиото (сопственици и администратори) ќе управува со распоредот на часови, продажбата на пакети и продажбата на јога опрема.
• Инструкторите ќе можат да ги менаџираат часовите, да следат резервации и да водат евиденција за учество.
• Регистрираните корисници ќе можат да резервираат часови, купуваат пакети и да се пријавуваат на специјални настани.

Какви проблеми ќе решава овој проект?

Со овој систем ќе се поедностави и автоматизира процесот на резервација и управување со часови во јога студиото.

• Автоматизација на резервации: Корисниците ќе можат онлајн да резервираат место без потреба од рачно закажување.
• Поглед во распоредот: Ќе биде достапен календарски приказ на сите часови и достапни места.
• Следење на продажба: Администраторите ќе можат да следат колку пакети и јога опрема се продадени.
• Пријавување на настани: Корисниците ќе можат да резервираат место на специјални настани без потреба од физичка регистрација.

Какви видови корисници ќе имаат пристап до базата и проектот?

Тип на корисник	Улога и можности во системот
Корисник (User)	Регистрација, резервација на часови, купување пакети, пријавување на настани.
Инструктор (Instructor)	Креирање и уредување на часови, преглед на резервации и присуство.
Администратор (Admin)	Управување со корисници, инструктори, резервации, пакети и продажби.

Дали постојат слични решенија и што го разликува BlissCore?

Иако постојат апликации за управување со фитнес студија, BlissCore е специјализиран за јога студија и нуди неколку уникатни функционалности:

• Поддршка за пакети и кредити: Дозволува купување на различни пакети за вежбање.
• Продажба на јога опрема: Вграден модул за продажба на душеци, блокови, маици и други производи.
• Календарска интеграција: Автоматско ажурирање на часови во календарски формат.

Дали се работи за веб, мобилна и/или десктоп апликација?

BlissCore ќе биде веб-апликација базирана на следните технологии:

• Frontend: React (Next.js) со Tailwind CSS
• Backend: Node.js + Express / .NET Core (C#)
• Database: PostgreSQL
• DB Diagramming: [dbdiagram.io](​https://dbdiagram.io)
• DB Management: DBeaver + pgAdmin
• SSH Tunneling: PuTTY/Plink за пристап до факултетската база.