Краток опис на проектот

Системот претставува веб апликација за управување со салон за убавина. Апликацијата се состои од корисници, термини, услуги и плаќања во организација која нуди различни видови сервиси. Главните корисници се регистрирани User сметки со различни Role улоги (администратор, вработен, клиент), кои преку веб интерфејс можат да креираат и управуваат со Appointment записи. Секоја услуга (Service) има дефинирано цена, времетраење и припаѓа на одредена Category, а може да биде дел и од Package со одреден максимум на користење. Корисниците можат да резервираат еден или повеќе сервиси во рамки на термин, да остават Review за искуството и да користат LoyaltyCard со поени за поволности. За секој термин се евидентира Status (закажан, потврден, откажан и сл.) и поврзани Payment записи со износ, метод и статус на уплата. На овој начин системот обезбедува централизирано и структурирано управување со корисници, резервации, пакети, лојалност и финансиски трансакции.

Детелен опис на проектот

Venus Beauty претставува веб-базирана платформа за управување со резервации, услуги и клиентски односи во салонoт за убавина. Системот овозможува клиенти да закажуваат термини за услуги (фризерски, нега на лице, масажи), администратори да управуваат со распоредот, цени и пакети, додека лојалносната програма мотивира повторени посети преку поени и попусти. Базата на податоци ги складира сите информации за корисници, термини, услуги, плаќања и рецензии во релациона структура за ефикасно пребарување и изготвување извештаи.

За кого е наменета базата на податоци и проектот

Проектот е наменет за салон Venus Beauty и неговото секојдневно работење. Системот го користат:

• администратори и сопственици на салонот за следење на приходи, термини и услуги,

• вработени кои управуваат со дневниот распоред и статусот на термините,

• клиенти кои онлајн закажуваат термини и ги следат своите поени и рецензии.

Базата служи како централен репозиториум за резервации, трансакции и клиентски податоци, овозможувајќи анализа на популарноста на услугите и клиентското задоволство.

Какви проблеми во фирмата или организацијата се решаваат со проектот

Venus Beauty ги решава следниве проблеми:

• рачно водење на дневник за термини што предизвикува двојни закажувања и забуна,

• отежнато следење на приходи и користење на пакети/попусти,

• слаб увид во клиентските преференци и лојалност,

• недостаток на онлајн пристап за клиенти надвор од работно време.

Со автоматизација, системот подобрува организација, зголемува приходи и го зголемува задоволството на клиентите преку персонализирани понуди.

Какви видови корисници ќе имаат пристап до системот

Системот предвидува следниве типови корисници:

• Администратор – целосен пристап за додавање услуги, пакети, категории и управување со сите термини и плаќања.

• Клиент (User) – регистрира профил, закажува термини, остава рецензии и следи лојалносни поени преку LoyaltyCard.

• Вработен / Менаџер – преглед и промена на термини, статус и плаќања преку веб интерфејс.

Проектот е прошируван со можности за рецензии, извештаи за приходи и интеграција со платформи за плаќање.