| 7 | | Проектот претставува развој на комплексна релациона база на податоци наменета за управување со работењето на едно модерно кино. Главната цел на системот е да обезбеди организирано складирање, управување и анализа на податоците поврзани со кино индустријата. Во рамките на проектот ќе се дизајнира база на податоци која ќе содржи околу 21 меѓусебно поврзана табела. Таблиците ќе ги опфаќаат сите важни аспекти на функционирањето на едно кино. Дел од нив ќе содржат податоци за филмовите, нивните жанрови, режисери и актери. Други таблици ќе ги опишуваат киното, салите и седиштата, со што ќе се овозможи прецизна организација на просторот и капацитетот на секоја сала. Дел од базата ќе биде наменет за проекциите, каде ќе се чуваат информации за тоа кој филм се прикажува, во која сала и во кое време. Овие таблици ќе бидат директно поврзани со таблиците за билети и резервации, преку кои ќе се следи кои седишта се резервирани или продадени и од кои корисници. Дополнително ќе постојат таблици за корисници, плаќања и нарачки, со што ќе се овозможи евиденција на купувањата и финансиските трансакции. Базата исто така може да содржи таблици поврзани со вработени, нивните улоги и активности, како и таблици за рецензии на филмови, специјални настани и продажба на производи од кино барот. |
| | 6 | == Детален опис на проектот |
| | 7 | |
| | 8 | Проектот претставува интегрирана платформа за управување со кино систем, која им овозможува на вработените лесно да управуваат со проекции, резервации и нарачки, додека корисниците можат едноставно да пребаруваат достапни термини, да резервираат седишта и да купуваат билети. Системот е наменет да поддржи сите процеси поврзани со работата на едно или повеќе кина — од управување со репертоарот до финансиско следење. |
| | 9 | |
| | 10 | Базата на податоци содржи информации за корисници, вработени, кина, сали, филмови, жанрови, проекции, типови на седишта, резервации, билети, плаќања, нарачки на производи, добавувачи, набавки, рецензии и права на прикажување на филмови. На овој начин е овозможено централизирано управување со сите податоци поврзани со организацијата и продажбата на билети. |
| | 11 | |
| | 12 | Вработените можат да дефинираат сали, да поставуваат проекции со различни ценовни нивоа, да следат резервации во реално време и да добиваат извештаи за приход, број на посетители и искористеност на капацитетите. Корисниците можат да пребаруваат филмови според наслов, жанр, датум или кино, да избираат слободни седишта и да купуваат билети преку системот. |
| | 13 | |
| | 14 | Базата и апликацијата се наменети да бидат во сопственост на компанија или организација која управува со кино мрежа. Таа компанија ќе ја користи платформата како централен сервис за управување со проекциите и интеракција со корисниците. Нејзините потреби вклучуваат сигурно чување на податоци, брза обработка на резервации, следење на продажбата и автоматизација на процесите поврзани со билетирање и нарачки. |
| | 15 | |
| | 16 | Со ова решение се решаваат повеќе проблеми кои често се јавуваат кај управувањето со кина: рачно управување со резервации, недоволна контрола врз достапноста на седишта, можност за двојна резервација на исто место, сложено следење на приходи и недостаток на аналитички извештаи. Системот користи трансакции и механизми за контрола на конкурентност за да спречи повеќе корисници истовремено да резервираат исто седиште, што е еден од клучните проблеми кај ваквите системи. |
| | 17 | |
| | 18 | Пристап до системот имаат повеќе типови корисници. Администраторите управуваат со корисничките сметки, кината и глобалните поставки. Вработените креираат и управуваат со проекции, резервации и нарачки. Клиентите пребаруваат филмови, купуваат билети и оставаат рецензии. Со ова се обезбедува јасна поделба на улоги и контролирано користење на системот. |
| | 19 | |
| | 20 | Иако постојат слични решенија, предложениот систем се разликува по тоа што е фокусиран на детално моделирање на базата на податоци и обработка на комплексни релации — структури на седење, типови на билети, права на прикажување на филмови, управување со добавувачи и набавки, и аналитички извештаи за приходи. Дополнително, проектот е наменет како демонстрација на напредни концепти во бази на податоци, вклучувајќи трансакции, индексирање, оптимизација на прашалници и аналитички погледи. |
