ИЗБОР НА СОФТВЕРСКО РЕШЕНИЕ

---

При разгледување и истражување на различни софтверски решенија, забележено е дека нема нешто конкретно за закажување на фотографски настани (поточно фотосесии и снимање на видеа). Но, според потребите на информацискиот систем, можат да се направат мали модификации и промени на веќе постоечки искреирани решенија.

Фактор 1: За софтверското решение да биде поефективно и поуспешно при имплементација, примарниот фактор беше цената, или поточно недостатокот на цената. Доколку се најдеше некое бесплатно софтверско решение, чии што услуги можат да се користат, тогаш тоа дефинитивно влегува во изборот на решение.

Фактор 2: Наредниот критериум беше да можат да го користат и повеќе вработени и повеќе корисници истовремено. Со тоа, ќе може да се поставуваат различни таскови за различни вработени во склопот на една фирма, која за информацискиот систем се подразбира дека ќе има повеќе од еден вработен.

Фактор 3: Како важен фактор треба да се земе самата комуникација со клиентите. Односно, по закажувањето да постои некој Customer Relationship Management систем, кој ќе ги потсетува клиентите дека направиле закажување на фотосесија или видео. Исто така, тука може да биде вклучен и потсетник и на самите вработени за фотосесии кои им претстојат во наредниот период.

Фактор 4: Бидејќи клиентите нема секој пат да бидат пред својот компјутер или лаптоп за да го закажат својот настан, потребно е да има овозможено опција за закажување и преку телефон. Оптимизиран responsive web design на самиот систем, пренесен на паметен телефон, со внесување на истите параметри, исто како десктоп верзијата.

Опционален фактор: Доколку е возможно, софтверското решение да може да се симне и да се инсталира на локална машина за да може да се користи и да биде независно од самиот вендор кој го нуди тоа решение

---

1. Pick Time

​https://www.picktime.com/

PickTime претставува едно разгледувано софтверско решение за овој информациски систем. Претставува целосно бесплатно решение кој е cloud-базирано.

Кои барања ги исполнува софтверското решение за овој систем:

• Целосно е бесплатно и нема основни или напредни верзии на софтверот или пак некои додатоци
• Можат да го користат повеќе фотографи, видеографи, сервисери и слично во исто време без никаква доплаќања кон вендорот
• Овозможува комуникација по мејл со клиентите по самото закажување на фотосесијата
• Постои опција за поврзување на друг систем за пренос податоци, односно да се синхронизира со личните календари на фотографите и клиентите, како што се Google Calendar, iCalendar, Outlook calendar или пак некои останати third-party кориснички апликации
• За клиентите се води целосна историја за нивното букирање т.е. закажување на настаните
• Клиентите можат да си креираат свој профил за да ги формираат и прават букирањата на фотосесиите (се исполнува случајот на употреба за регистрација на корисник)
• Постои опција за поврзување со Facebook, WordPress и слични социјални мрежи, за привлекување на уште клиенти (се исполнува случајот на употреба за дигитален маркетинг)
• Ќе можат да се прават закажување на фотографирање или снимање на видео преку лаптоп, таблет и телефон

Кои барања НЕ ги исполнува софтверското решение за овој систем:

• Софтверот нема интегрирано комуникација со клиентите како некој chat систем, доколку е потребна помош
• Софтверот нема вклучено мобилна поддршка. Тоа значи дека клиентите би биле единствено известувани по мејл или сличен медиум, но не по SMS порака.
• Софтверот не генерира фактури и конечни извештаи за самото закажување на фотосесија, што би претставувало проблем. Со внесените лични податоци и барањата на клиентот, потребно е се креира фактура за да може да се направи исплата на фотографот.
• Дополнително: Софтверот е cloud базиран, но не е голем недостаток

---

2. Fresha

​https://www.fresha.com/for-business

Fresha претставува уште едно разгледувано софтверско решение за закажување на настани (поточно фотосесии и снимање на видеа). И тоа исто така како Picktime претставува софтверско решение кое е Cloud базирано. Сепак, за разлика од Picktime, има некои предности кои се во полза на овој информациски систем. Fresha најмногу се користи за закажување на термини во beauty, фризерски, берберски, фитнес и спа центри, но со модификација и мала промена може сосема да се направи за фотографските цели.

Всушност, Fresha претставува ребрендирано софтверско решение на Shedul ​https://www.shedul.com/ кој постоеше како booking software во 2019та година. Сега, Fresha има уште повеќе можности и функционалности кои целосно одговараат за овој информациски систем.

За овој информациски систем ќе се користи Fresha бидејќи е до некој степен подобро оптимизиран, како во поглед на функционалностите што ги нуди, така и во поглед на графичкиот интерфејс и полесниот начин на снаоѓање при закажување.

Имено, фотосесиите ќе имаат некој дедициран фотограф кој ќе ги извршува активности, имаат почеток и крај на фотосесија (аналогно и со снимањето на видео). Почетокот и крајот на фотосесијата се клучни параметри за да можат да се креира понудата и да може да се направи на крај извештајот и фактурата (баш тоа што го немаше Picktime од точка 1).

Кои барања ги исполнува софтверското решение за овој систем:

• Целосно е бесплатно и нема основни или напредни верзии на софтверот или пак некои додатоци
• Можат да го користат повеќе фотографи, видеографи, сервисери и слично во исто време без никаква доплаќања кон вендорот
• Може да се вгради во Creative Studio веб страната, за да се користи за букирање, додека сите останати случаи на употреба се исполнети. Тоа значи дека страната ќе постои заедно со галерија и клиентите, како и ненајавени корисници ќе можат да ги разгледуваат веќе готовите материјали. Дополнително, регистрацијата на корисници ќе си остане како функционалност на самата веб страна, и потоа ќе може да се користи ова софтверско решение за закажувањата.
• Баш како што е опишано во случајот на употреба за закажување на фотосесија или пак снимање на видео, клиентот ќе може да си одбере една или повеќе услуги, ќе може да си одбере кој фотограф / видеограф ќе сака да ја изведува тој таск во зависност од буџетот на клиентот, а се разбира и во зависноста од достапноста на фотографот / видеографот
• Девелоперите на Fresha веќе си имаат искреирано своја мобилна апликација за двата оперативни системи на паметни телефони, со опција таа да функционира независно или вградена во веб страната исто како веб верзијата.
• Бидејќи се води историја за закажувањата на самите клиентите, Fresha функционира со алгоритам како Facebook и Instagram, односно со персонализација на активностите и барањата кои ги има клиентот. Тоа значи дека после неколку закажувања на еден единствен клиент, се адаптира, се прилагодува и креира персонализирана понуда според сите негови претходни закажувања.
• Вклучена можност за дигитален маркетинг, што значи исполнување на случај на употреба за промовирање и проширување на таргет групата. Постојани понуди и попусти таргетирани за фотографирање или снимање на видео.
• Со ребрендингот од Shedul во Fresha, сега е воведено плаќање на услугите во самото софтверско решение, доколку се одлучи да се прави тука. Постои можност за зачувување на сензитивни податоци како броеви на кредитни картички, но постои и начин за генерирање на стандардни фактури и извештаи. Во претходната групна задача наведено е дека безбедноста на системот и на софтверското решение е доста значаен фактор, но не приоритетен бидејќи е замислено системот да функционира (засега барем) без платежни картички туку да се плаќаат услугите на поинаков начин.

Софтверското решение има доста лесен, едноставен и минималистички дизајн, па со тоа се запазува факторот за избор на софтверско решение. Во зависност од типот на таскот и закажување на фотосесијата, активностите можат да бидат во различна боја, односно да бидат colour coded за да се разликуваат. Тука може да се постави легенда за различен тип на фотографирање на настани или пак различна боја во зависност од фотографот.

Тука е даден пример како би изгледало распоредувањето на настани и на закажувањата со различна боја.

Десктоп/web верзија

Мобилна верзија