Relational Model

1. Опис на моделот

Релациониот модел на Cultural Heritage Preservation System е изграден околу централната табела Objects, која ги претставува културните артефакти. Секој објект задолжително припаѓа на еден археолошки локалитет (Sites), има дефиниран статус преку генерализираната табела Status_Types и може да биде поврзан со корисникот кој го пронашол. Sites дополнително се поврзани со тип на локалитет, регион, заштитен статус и општина, обезбедувајќи целосен географски и административен контекст.

Корисниците на системот (Users) се организирани преку табелата Roles, а нивните дополнителни информации, како специјализација и институциска припадност, се чуваат во одделна табела User_Details. Ова овозможува подобра нормализација и поефикасно пребарување.

2. Конзервација и следење на состојба

Секој артефакт може да поминува низ повеќе конзервациски третмани евидентирани во табелата Treatments, при што секој третман се состои од прецизно документирани чекори преку Treatment_Step_Log. На тој начин се обезбедува целосна историја на секоја реставраторска интервенција. Паралелно, табелата Condition_Assessment овозможува периодично оценување на физичката состојба на предметите низ времето, при што не е дозволено внесување на две проценки за ист предмет на ист датум.

Конзервациските активности се организираат и преку Conservation_Projects, кои поврзуваат институција со конкретен предмет. Пристапот на надворешни истражувачи до предметите и проектите се контролира преку Researcher_Access, каде точно се дефинира кој корисник, од која институција и во рамки на кој проект има одобрен пристап.

3. Фрагменти

Табелата Fragments овозможува моделирање на делови од артефакти со поддршка за self-referencing структура, односно еден фрагмент може да биде дел од друг фрагмент. Со цел зачувување на конзистентноста на податоците, е имплементирано ограничување кое спречува фрагментот да си биде сам родител, а исто така фрагментот не може истовремено да припаѓа на објект и на друг фрагмент.

4. Изложби и публикации

Објектите можат да учествуваат на повеќе изложби и да бидат споменати во повеќе научни публикации. Овие M:N релации се реализирани преку junction табелите Object_Exhibition и Object_Publication. За изложбите, дополнителни информации за прикажување на секој предмет (наслов, опис, јазик) се чуваат во Exhibition_Object_Details. Публикациите можат да имаат повеќе автори преку Publication_Authors, при што се прави разлика помеѓу главен автор и останатите соавтори.

5. Дополнителни ентитети

Материјалите од кои се изработени предметите се евидентираат преку Materials_Objects, а материјалите користени при третманите преку Treatment_Materials. Историјата на движење на предметите помеѓу институции се следи преку Object_Location_History, додека фотографската документација се чува во Object_Images. Класификацијата на предметите според култура, категорија и стил е реализирана преку Object_Classification.

6. Клучни дизајн одлуки

Табелата Status_Types е дизајнирана како генерализирана табела која преку полето "type" опслужува повеќе различни типови статуси во системот, наместо да се креираат посебни табели за секој тип. Сите M:N релации се реализирани преку посебни junction табели со композитен примарен клуч. Географските координати на локалитетите се валидираат преку CHECK constraint кој го ограничува опсегот на вредности на координатите за територијата на Македонија.

7. Дијаграм