DatabaseProgrammin: MajStore

Функции, процедури и тригери

1. trg_insert_premium_worker

Овој тригер се активира кога статусот на Payment ќе се промени во "Completed". Во тој момент автоматски се креира нов запис во табелата Premium_Worker, со кој се означува дека работникот од тој момент станува премиум корисник.

2. fn_is_worker_premium(p_worker_id)

Оваа функција се користи како проверка за тоа дали даден работник моментално има активен премиум статус. Таа може да се повикува од frontend или backend логиката, на пример при прикажување на профил, реклами, premium badge или други содржини поврзани со работникот. Бидејќи оваа проверка би се користела често низ системот, логиката е издвоена во посебна функција со цел да се избегне дуплирање на код.

3. trg_notify_worker_premium_start

Овој тригер се активира кога во табелата Premium_Worker ќе се додаде нов запис, односно кога на работникот му започнува премиум претплатата. Во тој момент автоматски се креира запис во табелата Notification, со кој работникот се известува дека неговиот премиум статус е успешно активиран. Во известувањето се вклучени името на избраниот премиум план и датумот до кога истиот важи.

4. trg_prevent_review_without_hire

Овој тригер се активира при обид на корисник да додаде рецензија за работник. Неговата цел е да спречи креирање рецензии во случаи кога не постои реална соработка помеѓу корисникот и работникот за таа конкретна специајност која корисникот пробува да ја оцени. Т.е тригерот проверува дали постои пост од дадениот корисник, во кој пост од работникот има статус "Accepted" и специјалноста е таа која се оценува. Доколку таков случај не постои, внесувањето на рецензија се спречува.

5. trg_block_application_to_closed_post

Овој тригер се активира при обид за внесување нова апликација за работа. Неговата цел е да спречи работниците да аплицираат на постови кои повеќе не се активни. При извршувањето, тригерот го проверува статусот на постот на кој се однесува апликацијата. Доколку постот не постои, се генерира соодветна грешка. Доколку постот постои, но неговиот статус не е "Active", внесувањето на апликацијата се спречува и се прикажува соодветна порака.

6. trg_prevent_duplicate_application

Овој тригер се активира при обид за креирање нова апликација од страна на работник. Неговата цел е да спречи дуплирање на апликации за ист пост од ист работник. При секое внесување, тригерот проверува дали веќе постои апликација за истиот worker_id и post_id која се уште е активна. Доколку таква апликација постои, се генерира грешка и новиот запис се спречува.

7. trg_auto_create_calendar

Бидејќи во системот секој работник си има свој календар (работникот сам одлучува дали ќе го користи или не), при креирање на нов работник за истиот автоматски се креира и календар со овој тригер.

8. trg_auto_create_worker_notification

Овој тригер исто така се однесува на автоматско креирање нотификации, но со фокус на апликациите на мајсторите. Истиот се активира при промена на статусот на апликација.

9. sp_auto_reject_pending_applications(p_post_id)

Оваа процедура служи за автоматско одбивање на сите останати апликации кога одреден пост повеќе не е активен. Најпрво, процедурата го проверува моменталниот статус на постот. Доколку постот е со статус "Active" го ажурира во статус "Completed".

Потоа се извршува ажурирање врз табелата Application, каде што се пронаоѓаат сите апликации поврзани со конкретниот пост кои сè уште немаат статус "Accepted" или "Deleted", и нивниот статус автоматски се менува во "Rejected".

Оваа процедура е потребна во случај кога на одреден пост му се потребни мајстори од повеќе специјалност, а корисникот што го објавил постот одлучува дека за секоја специјалност ќе прифати различни мајстори. Кога корисникот ќе ги прифати сите апликации кои му се од интерес ќе кликне на копче "Одбиј ги останатите апликации и затвори го постот" со што ќе се повика оваа процедура.

10. trg_notify_client_new_application

Овој тригер исто така се однесува на автоматско креирање нотификации, но со фокус на постовите на корисниците. Истиот се активира кога на даден пост ќе пристигне нова апликација.

11. trg_check_worker_specialty_for_post

Овој тригер спречува работник да аплицира на пост, за кој нема ниедна од бараните специјалности.

Скрипта

https://develop.finki.ukim.mk/projects/MajStore/attachment/wiki/DatabaseProgramming/MajStore_Triggers_Functions_Procedures.sql