Дефинирање на проектот
Членови на тимот
| Име и Презиме | Индекс | Улога |
|---|---|---|
| Катерина Василева | 231067 | Координатор |
| Тамара Димитрова | 231165 | Член на тимот |
| Марија Василевска | 231144 | Член на тимот |
Краток опис на проектот
Преку системот за наоѓање на ментор, студентите можат да се поврзат со професорите на факултетот со цел изработка на проектни задачи, дипломска работа и други проекти. Овој систем овозможува лесно поврзување на студент со ментор преку заеднички интереси, теми, предмет и други критериуми, со лесна комуникација на самиот систем.
Детален опис на проектот
Најди Ментор е веб апликација која им овозможува на студентите да пребаруваат низ професори на факултетот и да пронајдат соодветен ментор за својот проект, дипломска, пракса и друго. Системот ќе им овозможи да стапат во контакт со менторот и да поднесат барање за контакт, а менторот да ги прифати или одбие барањата на студентите. Има опција за автоматско совпаѓање според предметите кои студентот ги слуша и менторот ги предава, и/или според своите заеднички интереси. Откако ќе стапат во контакт со ментор, студентите можат да пишуваат мислења за менторите, а менторите да изберат дали ќе ги прикажат тие коментари на своите профили. Менторите исто можат да постават и свои предлог теми кои ќе бидат доделени на некои студенти. Има систем за нотификации и пораки преку кои се договара контакт.
За кого е наменета базата на податоци и проектот односно кој според вашата замисла ќе биде одговорен да ја поседува базата на податоци и апликацијата и да ги обезбедува како сервис - дали е тоа фирма/институација/организација или е поединец и краток опис за нивните потреби?
Базата на податоци и апликацијата се наменети за образовни институции како факултети, да бидат користени од студентите, професорите и асистентите на секоја институција.
Универзитетите во Македонија имаат потреба од дигитализирана евиденција на соработката меѓу студентите и професорите, следење на капацитетите на менторите (кој колку студенти менторира) и автоматизација на процесот на доделување теми за дипломски и проектни задачи. Студентите имаат потреба од систем кои ќе им го олесни процесот на наоѓање на ментор и ќе ја олесни комуникацијата меѓу нив и нивните ментори.
Какви проблеми во фирмата или организацијата ќе решавате со вашата изработка?
Системот решава неколку клучни проблеми во рамките на академската заедница:
- Студентите често не знаат кој професор со кои теми се занимава или дали има слободни капацитети за нови студенти.
- Елиминирање на „загубените“ е-маили и чекањето пред кабинети преку интегриран систем за пораки и известувања.
- Честопати проектите заглавуваат во одредена фаза; со системот за фази и рокови, и двете страни имаат јасен преглед на статусот.
- Автоматското совпаѓање помага студентот да го најде најсоодветниот ментор според реални компетенции (предмети и интереси).
Какви видови корисници ќе имаат пристап до базата и проектот - во смисла на типови вработени во фирмата/институцијата или клиенти?
Апликацијата би ја користеле три главни групи:
- Студенти: Пребаруваат ментори, аплицираат за теми, добиваат задачи и ги следат своите фази на проектот.
- Ментори: Објавуваат теми, прифаќаат/одбиваат барања, менаџираат консултации и ги водат студентите низ фазите.
- Администратори (Вработени во студентска служба/ИТ): Имаат увид во целата база, управуваат со корисничките профили, овозможуваат додавање на нови факултети и универзитети.
Ако има други слични идеи во истата фирма или во околината, или веќе постојат готови решенија во светот, во што е различен вашиот предлог?
Иако постојат системи како i-Know или Moodle, „Најди Ментор“ се разликува по:
- Специјализација за менторство: Не е само за оценки или материјали, туку за менаџирање на долгорочен проектен однос.
- Паметно совпаѓање: Алгоритам кој ги поврзува студентот и менторот врз основа на нивното портфолио и слушани предмети.
- Социјален елемент: Опцијата за мислења и коментари овозможува транспарентност и градење на репутација на менторите.
- Менаџмент на фази: Директно внесување на задачи и следење на рокови во самиот систем, што го прави алатка за управување со проекти.
Дали се работи за веб, мобилна и/или десктоп апликација?
Се работи за веб апликација. Ова е најпрактичното решение за ваков тип на систем бидејќи овозможува лесен пристап од било кој уред (компјутер или мобилен) без потреба од инсталација, а истовремено олеснува управување со комплексна база на податоци во реално време.
