| Version 14 (modified by , 3 years ago) ( diff ) |
|---|
Вовед
Со брзиот развој на информатичката и комуникациската средина, бројни интелектуални дела се достапни во дигитален формат на Интернет, и тие дигитални ресурси имаат тенденција да исчезнат набргу по нивното појавување. Дигиталното архивирање е долгорочна процедура за обработка, управување и зачувување на дигитални објекти, за кои се смета дека имаат безвременска вредност [1]. Од 90-тите, како долгорочни национални проекти, многу земји како Австралија, Соединетите држави и европските нации ги напреднаа своите напори за онлајн зачувување на дигиталните ресурси предводени од нивните национални библиотеки во соработка со други институции и организации [2] [3] [4].
Со цел да се постигне дигитализација на традиционалните, институционални процеси, во оваа дипломска работа ќе се изработи веб апликација што ќе ги покрие главните работни процеси од архивското работење на една приватна компанија. Едни од најважните придонеси на системот за е-архивирање се пребарување и прелистување, споделување информации, достапност на информации и разновидност. Веб-базираниот систем што го имплементирам ќе овозможува пребарување документи со одреден архивски број или наслов како стандардна карактеристика. Системот за е-архивирање не само што ќе ги понуди добиените податоци од пребарувањето, туку и самите целосни документи. Функцијата за пронаоѓање на датотека преку филтрирање или пребарување со архивски број или наслов нуди големи придобивки за корисниците на системот. Дигиталната содржина ќе може да се преземе и реплицира во неограничен број копии, секако доколку не се работи за злоупотреба на системот.
Апликацијата главно ќе се состои од следните модули: модул за конфигурација, модул за работа со документи и модул за скенирање. Корисникот ќе има опција да генерира нови содржини и да прикачува постоечка содржина на сервер. До поставената содржина може да се пристапи насекаде, во кое било време (ова може да биде ограничено од администраторот по со своја волја). Содржината ќе се зачувува според структурата дефинирана од корисниците и на ниво разбирливо за нив.
Понатаму ќе дефинираме анализа на потребите на клиентите и ќе зборуваме за сценарија на случаи на употреба. Трудот исто така ќе се состои од детален дизајн на системот, каде што во структуриран начин ќе се објасни архитектурата на системот, класен и секвенцијален дијаграм и користени технологии. Во делот имплементација ќе бидат претставени преку код одредени функционалности од системот кои се користат многу често во повеќе форми во рамките на системот за електронска архива. Ќе поставам на крај и корисничко упатство со цел да може подетално и појасно да се разбере начинот на кој ќе функционира овој систем.
