Упатство за преведување и стартување

Опис на развојната околина

• Програмски јазик: Python 3.10 или понова верзија
• Библиотека за пристап до базата: psycopg 3 (се инсталира автоматски, види подолу)
• База на податоци: PostgreSQL, шема project, креирана со скриптите од фазата P2
• Оперативен систем: Windows, Linux или macOS
• Изворниот код е во git репозиториумот на проектот

Упатство за инсталација

1. Преземи го изворниот код од git репозиториумот на проектот.

2. Во папката на проектот креирај виртуелна околина и инсталирај ги потребните библиотеки:

   python -m venv .venv
   .venv\Scripts\activate
   pip install -r requirements.txt
   

На Linux и macOS, наместо втората команда се користи: source .venv/bin/activate

3. Ако базата е празна, изврши ги скриптите од папката sql, по овој редослед: schema_creation.sql, па data_load.sql.

4. Копирај ја датотеката config.example.ini во config.ini и внеси ги податоците за поврзување од EPRMS (host, port, име на базата, корисник и лозинка).

5. Стартувај ја апликацијата:

   python -m cityfix
   

Ако кирилицата не се прикажува правилно во старата конзола на Windows, пред стартување изврши chcp 65001 или користи Windows Terminal.

Упатство за тестирање

Прототипот нема лозинки: корисникот се најавува со избор на улога и избор на корисник од листата вчитана од базата. Сите избори во апликацијата се прават со внесување на бројот пред понудената опција, а со 0 се враќа назад.

Граѓанин (на пример Ана Димитриевска):

• „Поднеси нова пријава“ - избор на категорија, внес на опис, адреса и/или координати и имиња на фотографии. За проверка на слични пријави во близина, внеси координати 42.0006 и 21.4165 со категорија „Патишта и тротоари“.
• „Мои пријави“ - листа на пријавите, а по избор на пријава: историја на статусот, коментари и фотографии.

Администратор (на пример Александар Петровски):

• Листа на недоделени пријави, избор на пријава, избор на работник според бројот на активни пријави и внес на забелешка.

Општински работник (на пример Дејан Јовановски):

• Листа на доделени активни пријави, избор на пријава, додавање коментар, промена на статус и промена на приоритет.

За да се вратат почетните податоци по тестирањето, повторно изврши ја скриптата data_load.sql.