Трансакции

Вовед

Во рамките на оваа фаза, целта е да се прикаже како еден ваков систем за авионски резервации управува со паралелни барања од повеќе корисници во исто време, без да се наруши конзистентноста на податоците и практики за истото во еден MySQL сервер.

Фокусот е на тоа системот да гарантира конзистентна продажба и резервација на седишта односно да не може да се случи две различни резервации да завршат со исто седиште на ист лет, и да нема ситуација на overbooking (повеќе резервирани места од капацитетот на авионот).

Покрај тоа, анализираме како системот треба правилно да се однесува при паралелни промени врз исти податоци, како на пример:

• промена на седиште
• откажување резервација
• промени во распоредот на летот.

Овие операции во пракса често се случуваат истовремено од различни корисници и без трансакции и locking можат да доведат до неконзистентни резултати, „изгубени” промени или некоректен број на резервации.

Core transactional domain во airportdb

booking – централната табела за резервации. Токму тука најчесто се појавуваат concurrency проблеми , бидејќи повеќе корисници можат истовремено да направат booking (или менуваат) на седишта за ист лет.

flight - табела што го дефинира летот (од каде до каде, време на поаѓање и пристигнување, авиокомпанија и кој авион го извршува летот). Оваа табела е важна затоа што секоја резервација се врзува за конкретен лет, а промени во летот (на пример reschedule или промена на авион) имаат директно влијание врз валидноста на постоечките резервации.

airplane - табела која го носи најважниот капацитетен параметар: capacity. Ова е основата за контролирање на overbooking. Дури и кога различни седишта се резервираат паралелно, системот мора да осигури дека вкупниот број резервации за летот не го надминува капацитетот на авионот кој го извршува летот.

Дополнително, постојат и поддржувачки табли кои се важни за реалистичност и traceability:

• passenger и passengerdetails – иако не се директниот извор на concurrency проблемите, тие често учествуваат во транзакции (на пример при креирање нов патник + резервација во една атомска операција).
• flight_log – корисна за audit (логирање на историја кој и кога направил промена). Во реални системи audit логиката е критична, особено при debugging на проблеми со конкурентност и при следење на промени во распоредите или атрибутите на летовите.