Избор на методологија на развој

Методологијата која ќе ја користиме за развој на CRM системот на Гринери е RUP развојниот процес.

RUP - Rational Unified Process го дели процесот на развој на 4 различни фази кои вклучуваат бизнис моделирање, анализа и дизајн, имплементација, тестирање и deployment.

Четирите фази се:

• Инцепција или иницијализација (до крајот на овој процес треба да бидат проценети потребните средства за конкретниот проект, неговата изводливост, определување на неговите крајности и можни ризици, креирање на бизнис случај (business case), дефинирање на опсегот за дизајн и иницијалната архитектура, креирање на прелиминарен распоред на проектот)
• Елаборација (треба да биде доразвиена основната архитектура со многу повеќе специфични проектни детали како и оние функционалности и issues кои ќе бидат вклучени во проектот земајќи ги во предвид перформансот и безбедноста, да се постигне согласност во однос на конструкцискиот план, главна цел е во однос на утврдените ризици да се идентификуваат покритичните и да се започне што поскоро со справување со истите, креирање на дијаграми за корисничките случаеви, концептуални и архитектурални дијаграми)
• Конструкција (системските карактеристики се имплементираат во серии од кратки, временски итерации, од кои како краен резултат се продуцира функционален дел од софтвер, инкремент, кој ќе биде доволен за прелиминарно тестирање во реални услови а содржи дополнителни или подобрени функционалности споредено со претходниот инкремент)
• Транзиција (системот се претставува на клиентите и потенцијалните корисници, односно сите заинтересирани страни во продуктот, при што проектот се смета дека е завршен кога членовите на проектниот тим и заинтересираните страни после спроведувањето на тестирањето за прифатливост (acceptance testing) и бета тестирањето (beta testing,) се согласат дека целите поставени на почетокот се остварени и дека корисниците се задоволени. Притоа сите пронајдени багови мора да бидат решени).
  

Примена на RUP во развојот на Гринери

Фаза 1 - Иницијализација

Итерација 1 - во оваа итерација фокусот е на барањата на клиентот односно нарачателот на софтверот. Во оваа итерација клиентот ги образложува своите барања, а потоа, по изложувањето на барањата, софтверската компанија ја формира визијата и врз основа на забелешките од состанокот се креираат корисничките случаи.

Итерација 2 - софтверската компанија ги презентира визијата и корисничите случаи на клиентот. По забелешките од клиентот во оваа фаза се прецизираат визијата и корисничките случаи. Се определуваат можните ризици и се прави проценка за потребните средства.

Фаза 2 - Елаборација -тука имаме неколку итерации, од две до четири

Итерација 1 - Иницијална прелиминарна архитектура на системот. Повторно презентација на сега деталните кориснички случаи пред клиентот и дефинирање на конечен use case модел. Во оваа итерација се креираат UML дијаграмите за иницијалната архитектура.

Итерација 2 - повторна анализа на кориснчките случаи, заедно со сите забелешки и коментари од првата итерација се креира и првиот прототип на архитектура на системот.

Итерација 3 - во оваа итерација имаме презентација и претставувањето на прототипот пред клиентот. Се анализира прототипот и се даваат забелешки од страна на клиентот. Во оваа итерација се доработуваат UML дијаграмите подетално.

Итерација 4 - во последната итерација, земајќи ги во предвид забелешките од претходната презентација, се дефинира крајниот модел, се изработува конечен прототип и се презентира пред клиентот.

Фаза 3 - Конструкција

• имплементација на системот/use case-и

Итерација 1 - се дизајнираат и имплементираат use case моделите, се интегрираат во системот и на крај се прави презентација пред клиентот.

Итерација 2 - се тестираат корисничките случаји, се поправаат грешките и се разгледуваат и имплементираат забелешките од клиентот од претходната презентација. Кога се е средено, во оваа итерација се доставува документација за клиентот. На крај се прави планот за следната фаза, транзиција.

Фаза 4 - Транзиција

Итерација 1 - системот конечно се инсталира во околината каде што ќе се користи. Во оваа последна фаза се обучуваат корисниците преку обука.