4.3. Постоечки решенија за генерирање музика со LSTM невронски мрежи

DeepJazz - ​https://deepjazz.io/

Сл. 23. Лого на програмата Deepjazz

DeepJazz e компјутерска програма за длабоко учење и генерирање на џез музика со помош на Keras и Theano - библиотеки за длабоко учење. Програмата се состои од дво-слоен модел на LSTM мрежи, а учи од еден музички документ во MIDI формат. Создадена е од Ji-Sung Kim, член на одделот за компјутерска наука на Принстон универзитетот, на компјутерски хакатон.

BachBot - ​http://bachbot.com/#/?_k=lwnk0l

BachBot е истражувачки проект за креативноста на компјутерот. Користи LSTM мрежи за создавање на Bach композиции. На веб страната на BachBot наведена погоре имаме предизвик тест дали можеме да откриеме кое дело е создадено оригинално од Бах, а кое е производ на програмата BachBot. Резултантата мелодија оваа програма ја генерира во musicXML формат.

Сл. 24. Лого на BachBot на веб сервисот soundcloud.com

FolkRNN - ​https://folkrnn.org/

FolkRNN како што ни кажува самото име е програма за генерирање фолк мелодии со помош на рекурентни невронски мрежи, поточно р.н.м. со долго-краткорочна меморија. Создадена е како резултат на победа на натпревар во генерирање на фолк мелодии, од страна на Ira Korshunova . Kодот е достапен на GitHub на следната веб адреса: ​https://github.com/IraKorshunova/folk-rnn