Custom Query (15 matches)

Не е внимавано многу на пишувањето на речникот.

Некои од дефинициите се технички (пример дефиницијата дека Настан е ентитет во системот), а треба да се разбирливи за крајните корисници и за нарачателот. Значи прво треба да кажете што конкретно е објаснетиот термин, а потоа за неговата употреба.

Фалат термини од корисничките случаи кои може да бидат разбрани на повеќе начини (пример Регистрација). Поминете ги сите кориснички случаи и сѐ што е термин кој е специфичен за вашиот систем или сѐ што е термин кој е општ но може да го сфати поинаку некој со други познавања - додадете го тука и објаснете го.

Повеќе детали за начинот на пишување има во предавањето Art of writing use-cases.

Сите случаи на употреба се ставени на иста вики страница. Потребно е да се пререди таа страница да биде само список на сите случаи, а да има одделни страници со документацијата за секој случај на употреба.

Случајот Одржува база на податоци е недоволно специфичен. Случаите на употреба мора да се некаква цел на актерот, а администраторот никогаш сам по себе не бара никаква промена во базата. Сите промени се побарани од некого, за нешто, така да треба да се расчисти ова така што ќе се избрише овој случај и ќе се конкретизираат сите различни барања. Исклучително е важно да се знае зошто администраторот би додавал, менувал и бришел податоци.

Менаџира корисници - исто како горе мора да има некаков процес кој, кога, како и зошто се уредува листата на корисниците. Не може да биде тоа затоа што администраторот така посакал.

Одржува сервер - не е случај за употреба. Случај на употреба е ситуација во која ќе седне корисник и ќе го употребува системот за некоја негова потреба. Ако не постои систем или не работи истиот не може ни да се употребува, па вакво нешто не треба ни да постои во овој список.