За: Bus&Gо

Членови на тимот:

• Павел Пауновски 216049
• Петар Груевски 212034
• Дарко Секуловски 212028

Краток опис:

Bus&Go e апликација за целосно менаџирање со јавниот превоз во Скопје, менаџирање со возачите, кондукторите, патниците, билетите, постојките, автобусите итн. Секој корисник е потребно да се регистрира со е-пошта, име, презиме, телефонски број, адреса. Следен чекор е да се внесе личен документ за корисникот (лична карта или пасош). За секој личен документ се чува бројот на документот, датумот на издавање, датумот на истекување и кој надлежен орган го издал. Секој патник може да менаџира со своите билети. Билетите може да бидат од различен тип: часовен, дневен, неделен, месечен, годишен. Секој вработен возач ќе има своја сметка на апликацијата и ќе се поврзува со превозното средство кое го управува во моментот, дополнително за секој возач се чува неговата возачка дозвола. Секое превозно средство може да се подеси на соодветна линија, а секоја линија има еднозначна ознака и рута на движење. За дадена рута се знаат постојките на кои се запира, кои се одликуваат со идентификациски број и име. Секој вработен кондуктор има своја сметка на апликацијата, и преку неа при влез во некој од автобусите проверува дали патниците имаат платено за превозот или не. Кондукторот има можност за казнување на оние патници кои не платиле билет.

Детален опис:

• За кого е наменета базата на податоци и проектот односно кој според вашата замисла ќе биде одговорен да ја поседува базата на податоци и апликацијата и да ги обезбедува како сервис - дали е тоа фирма/институација/организација или е поединец и краток опис за нивните потреби:

Апликацијата е наменета за сите патници кои го користат јавниот превоз и за вработените возачи и кондуктери. Одговорен за самата база на податоци ќе биде администраторот на базата, негова одговорност ќе биде додавање, уредување или бришење на: возачи, конуктори, линии, превозни средства, рути, постојки, билети.

• Какви проблеми во фирмата или организацијата ќе решавате со вашата изработка?:

Со воведување на овој систем ќе се поедностави работењето на јавното претпријатие за транспорт на патници и користењето на јавниот превоз за патниците, со тоа што ќе овозможи лесно електронско купување на билети преку интернет со што ќе може да се исфрлат хартиените билети или да се сведат на минимум, ќе овозможи полесна евиденција на патници и вработени, ќе ја зголеми можноста за следење на статистики за претпријатиетп, ќе го олесни планирањето на превозот на патниците, ќе ги намали грешките при евидентирање на превозни средства и полесно санкционирање на патници кои немаат купено билет.

• Какви видови корисници ќе имаат пристап до базата и проектот - во смисла на типови вработени во фирмата/институцијата или клиенти?:

Администратор: Задолжен е за одржување на апликацијата, додавање на улоги, додавање на постојки, автобуси, линии итн.

Патник: Корисник на апликацијата кој преку најава му се овозможува да купува билети за јавен превоз, ќе има можност да го следни возниот ред по линии и постојки, да планира патувања.

Возач: Вработен во претпријатието, одговорен за возење на превозното средство

Кондуктор: Вработен во претпријатието, одговорен за вршење конторла на билети во превозните средства. При влез во дадено превозно средство се поврзува со него и ги проверува билетите на патниците, можност за казна.

• Ако има други слични идеи во истата фирма или во околината, или веќе постојат готови решенија во светот, во што е различен вашиот предлог?:

Постои слично решение изготвено од ЈСП Скопје, но проблемот е во тоа што не се овозможува лесно online купување на билети, затоа ние нудиме целосна дигитализација на процесот на купување билети за јавниот превоз, дигитализирање на процесот на пишување и плаќање казни и олеснета евиденција на патниците во јавниот превоз.

• Дали се работи за веб, мобилна и/или десктоп апликација?:

Се работи за веб апликација.