Креирање на инструменти и звуци

---

​https://github.com/nikolaStanojkovski/SYNTHesized/tree/master/Sounds

На гореведениот github репозиториум се наведени сите звуци кои ќе бидат користени за креирање на траката, поделени по инструменти. Секој инструмент има свој директориум на звуци, во кој има повеќе различни примероци. Секој од тие звуци и инструменти ќе бидат меѓусебно споредувани и селектирани преку процес на елиминација со цел множеството на инструменти да ги има сите потребни елементи. Секој звук има свој код, и свој засебен алгоритам за генерирање или синтеза, во зависност од тоа дали е семплуван или изгенериран.

---

Бубањ

Генерално, за сите перкусивни инструменти, имаме сличен ADSR (attack, decay, sustain, release) параметар на енвелопата, и имаме сличен пристап за синтеза и креирање на таков тип на звуци. Меѓутоа секој засебен подинструмент на бубањот си има свои мали особености, кои го дефинираат карактерот на истиот. Бубањот претставува инструмент кој ја креира есенцијата, базата и карактерот на звукот на музичка нумера во било кој жанр.

Бас Бубањ

Бас Бубањ (Kick) е подинструмент на бубањот кој е воглавно заслужен за внесување на удар и движење низ ниските фреквенции во миксот, со цел траката да има повеќе тело и основа. Меѓутоа, исто така е важно да се додаваат соодветни шумови и низ спектарот на високите фреквенции, со цел да имаме добро 'лепење' со остатокот од главните звуци кои доминираат во тој опсег. Во основа, има брз удар (attack), и брзо (меѓутоа нешто поспор) пуштање (release), со релативно брзи параметри за опаѓање (decay) и задршка (sustain), со тоа што тие не секогаш постојат заради едноставната синтеза на звукот. Во однос на застапеноста на брановите форми, главниот звук, во најголем дел од случаевите е синусоида (sinewave), меѓутоа, се прави синтеза и со други најразлични бранови со цел да се добие поинтересен и поподвижен тон.

Добош

Добош (Snare) е комплициран подинструмент на бубањот кој е заслужен за дефинирање на главниот карактер на траката. Во светот на музиката, добошот е инструмент којшто, тонски, е најваријабилен. Слободата при создавање на овој звук е голема, меѓутоа и тој си има свои особености и правила. Тој, со својот тон движи низ целиот фреквентен спекар, со силен удар и основа во ниските и средните фреквенции, но и со одѕвонување и движење низ високите, со помош на разни видови на шумови кои се појавуваат во различни кратки периоди низ временската оска. Тој има воглавно брз удар (attack), но малку поспор од бас бубањот, може да има прилично споро или брзо пуштање (release), во зависност од својата улога, варијабилно опаѓање (decay) и задршка (sustain). При креирање и синтеза на добош, има голем број на бранови форми кои можат да бидат искомбинирани со цел да се добие основата. Во конкретниот контекст на создавање на synthwave добош, воглавно беа користени синусоида (sine wave), пила (saw wave) и триаголен бран (triangle wave).

Чинели

Перкусии

Бас

Водечки синтизајзер

Водечки синтизајзер (Lead) е мелодички риф кој се истакнува во песната. Добар водечки синтисајзер е главната мелодија и нештото што луѓе го памтат за песна и си го вртат во глава долго откако завршила песната. Во synthwave водечкиот синтисајзер може да се гледа како да ја превзема работата на главниот вокал во песна или како главната гитара во рок композиција.

Позадински синтизајзер

Повторувачки синтизајзер

Повторувачки синтизајзер (Arpeggiator) е секвенца на ноти кои заедно прават акорд. Таа секвенца на ноти се свири во исто темппо и се менува во октави, со цел слушателите да добијат впечаток дека слушаат целосна акорда. Тие се голем фатор за држење ритам во компонираната песна. Ударот (attack) и пуштањето (release) заемно кратки бидејќи секвенцата на ноти треба да се одсвири со побрзо темпо и нотите не треба да се мешаат.

Вокал и вокални ефекти

Звучни ефекти

Звучните ефекти (Sound FX) се позадински ефекти коишто ја помагаат хармонијата и го поткрепуваат звучниот пејсаж на една музичка нумера. Тие се многу варијабилни и се многу зависни од типот на музиката и жанрот за којшто се работи. Нивната улога не е да бидат ударни во миксот, како главните инструменти, туку, да ги поткрепуваат истите, и да им помогнат да ја доловат темата и пораката на песната. За потребите на оваа нумера, во најголем процент се потребни кревачи (risers) и спуштачи (downers), со цел поглатка транзиција помеѓу секциите, но исто така се потребни и други ефекти, шумови и звуци кои се користат во сегменти од аранжманот каде главните инструменти немаат доволно моќ да го одржат интензитетот, и да го одржат вниманието на слушателот.

Изворен код на инструменти

---

Име	Линк до изворен код
Тапан (drums)	​https://github.com/nikolaStanojkovski/SYNTHesized/tree/master/Sounds/Drums
Бас (bass)	​https://github.com/nikolaStanojkovski/SYNTHesized/tree/master/Sounds/Bass
Водечки синтизајзер (lead)	​https://github.com/nikolaStanojkovski/SYNTHesized/tree/master/Sounds/Leads
Позадински синтизајзер (pad)	​https://github.com/nikolaStanojkovski/SYNTHesized/tree/master/Sounds/Pads
Повторувачки синтизајзер (arpeggiator)	​https://github.com/nikolaStanojkovski/SYNTHesized/tree/master/Sounds/Arpeggiators
Вокал и вокални ефекти (vocal & vocal effects)	​https://github.com/nikolaStanojkovski/SYNTHesized/tree/master/Sounds/Vocals
Звучни ефекти (sound effects)	​https://github.com/nikolaStanojkovski/SYNTHesized/tree/master/Sounds/FX