СОФТВЕРСКО РЕШЕНИЕ ЗА TRAIN TRAVELLER ИНФОРМАЦИОНИОТ СИСТЕМ

Разгледувани решенија

Во овој дел кратко ќе ги претставам и образложам решенијата што ги имам разгледувано за мојот дел за работа од софтверскиот продукт. Во процесот на пребарување наидов на многу решенија кои би можеле да се прилагодат за нашиот проект, но секако повеќето од нив содржеа многу грешки, некои беа со несоодветна документација, а имаше и такви кои што не беа open source и поради тоа истите тие ги елиминирав уште на старт. На почеток ќе претставам некои од разгледуваните решенија:

ORANGE HRM (ORANGE HUMAN RESOURCES MANAGEMENT)

Пример за готово софтверско решение коешто го подржува ERP - типот на системи е OrangeHRM (Orange Human Resources Management). Самото име на овој софтверски пакет го вметнува софтверот под доменот на ERP системи. Овој готов софтверски продукт се користи за управување со човечки ресурси, па според целта за постоење може да се смета како систем за планирање на ресурси во рамките на некоја компанија. Од друга страна големо внимание се посветува на модуларноста како една од најбитните карактеристики во рамките на ERP системите. Така OrangeHRM Open Source содржи единствена база на податоци за сите податоци, којашто може да биде пристапена преку голем број на модули, коишто нудат лесно и интиутивно користење на софтверот во целина, што наидува на позитивни критики кај корисниците и самите компании. Едни од поважните модули коишто можат да се набројат се: администрација на систем, управување со информации за вработени, управување со време и доделување задачи, аплицирање и вработување, лесен интерфејс за интеракција меѓу корисниците.

ATTENDIZE

Attendize претставува уште едно готово софтверско решение, кое што го разгледавме и кое би можеле да го искористиме. Всушност Attendize претставува софтвер за продажба на карти за одреден настан, но сметаме дека брзо и лесно може да се прилагоди во нашиот случај т.е. за продажба на карти за патување со воз. Attendize е напишан во PHP со Larvel framework. Големо внимание кај овој систем се посветува на ограничувањето на картите што е и наша цел. Attendize е open source како што се и побарувањата, но исто така може и да се плати лиценца за подобри функционалности и поефикасно работење што се нудат при користење на софтверот.

MICROSOFT DYNAMIC AX

Microsoft Dynamic AX е оригинално развиван како колаборација меѓу IBM и данската компанија Damgaard Data, претставува едно софтверско решение од фамилијата на ERP продукти на Microsoft и е дел од целосното ERP решение на Microsoft, Microsoft Dynamics. Во своето јадро содржи 19 модули како што се Project Builder (креирање и одржување на модули на продукти), Master Planning (купопродажба и продукциско планирање), Продажба и маркетинг, Human Resources (модул каде што се чува и менаџира со податоците на вработените) што нуди детален преглед на податоци за индивидуални вработени, целосен преглед на целосната организација или еден нејзин дел и алатки со кои лесно може да се пронајдат вештините кои недостасуваат во една компанија.

Избрано решение

Бидејќи нема софтвер со отворен код кој што целосно ги исполнува нашите побарувања ќе избереме две готови софтверски решенија. Едно од решенијата ќе се користи за управување со човечки ресурси и всушност претставува систем за планирање на ресурси во рамки на една компанија, додека пак со другото решение ќе ги покриеме останатите use cases за купување на билети. Всушност второто софтверско решение Attendize претставува систем за резервација на настани, но сметаме дека многу лесно би можело да се прилагоди за нашиот систем. Orange HRM софтверот може да се најде како три одделни продукти Orange HRM Open Source (бесплатен и секој може да го користи), Orange HRM Professional I Orange HRM Enterprise.

Главни функционалности

Функционалностите што ги нудат овие два готови софтверски продукти може да се каже дека ги покриваат скоро сите use cases кои што ги дефиниравме во проектот. Orange HRM Open Source содржи единствена база на податоци и истата може да биде пристапувана од повеќе модули, преку кои што се претставени функционалностите на софтверскиот продукт. Модулите кои функционираат како одделни единици во рамките на софтверот со себе овозможуваат и поедини функционалности кои се овозможени од страна на самиот софтвер. За разлика од Orange HRM Open Source, Attendize нуди ограничување на бројот на картите, pdf извештаи, добра статистичка прегледност...

Архитектура

И Orange HRM Open Source и Attendize имаат MVC архитектура.

Системски побарувања

ORANGE HRM OPEN SOURCE

• Оперативен систем - Windows XP, Windows 7, Windows Server 2003, Windows Server 2008, Linux distributions such as Ubuntu, Fedora, Redhat.
• Apache верзија - Apache 2.2
• MySQL верзија - 5.1.36
• PHP верзија - 5.3.5, 5.2.10-2Ubuntu6.4
• Веб прелистувач - Internet Explorer 8, Firefox, Google Chrome, Safari
• Web Server пакети - XAMPP, WAMPP , LAMPP

ATTENDIZE	

• PHP верзија >= 5.5.9
• OpenSSL PHP Extension
• PDO PHP Extension
• Mbstring PHP Extension
• Tokenizer PHP Extension
• Fileinfo PHP Extension
• GD PHP Extension

Лиценца и цена

Attendize е лиценциран под Attribution Assurance Licence (AAL), а додека пак Orange HRM е лиценциран под GNU GENERAL PUBLIC LICENCE. Покрај OrangeHRM Open Source постојат и OrangeHRM Professional и OrangeHRM Enterprise чија што цена се формира во зависност од бројот на модули и функционалности кои ќе сакате да ги има вашата апликација. Исто така и за користењето на Attendize во случај да сакаме да ги отстраниме препораките мора да се плати одредена цена во зависност која лиценца сакаме да ја купиме.

Инсталација

Attendize

За инсталација треба најпрвин да се отпакува .zip фолдерот и фајловите треба да се стават на веб сервер. Треба да се провери и да се овозможат привилегии за запишување на: Storage/app/ , Storage/framework/, Storage/logs/, Storage/cache/, bootstrap/cache/, .env. Следно потребно е да се креира база на податоци (празна, без табели во PostgreSQL или MySQL). Потоа отвораме browser и ја пишуваме адресата до сајтот, додаваме /install на крајот. Ако се е добро треба да се појави прозорецот за инсталација, и да се внесат податоците за базата на податоци, mail и на крај да се кликне install.

OrangeHRM Open Source

За инсталација на OrangeHRM Open Source најпрвин потребно е да се распакува PHP фајлот во директориум со име Apache Server htdocs. Потоа треба да се креира база на податоци во MySQL. Кога веќе е креирана базата треба да се креираат табели користејќи ја скриптата dbscript.sql која се наоѓа во /orangehrm/dbscript. Следно треба да се конфигурира апликацијата за да ги даде потребните информации за автентикација потребни да се пристапи MySQL серверот и на крај потребно е да се смени името на фајлот Conf.php-distribution во Conf.php.

Пристап до демо

Пристап до демо OrangeHRM Open Source софтверот не побарува инсталација, бидејќи истиот се наоѓа на веб сервер и е отворен за користење само со најава. Сите горенаведени модули можат да бидат искористени за развојот и реализацијата на функционалностите на нашиот систем.

Исполнетост на побарувања

Во овој дел ќе разгледаме колкав дел од дефинираните кориснички случаи ќе бидат опфатени со овие две избрани решенија. Едни од најважните побарувања се продажбата и купувањето на билети и истите се исполнети и тоа како и обичен така и билет со понуда. Исто така и додавањето односно отстранувањето на вработени како и доделување на нивни привилегии е овозможено. Исполнети се и побарувањата за корисникот односно негова регистрација, и негов личен профил. Корисникот ќе може и да ја испринта својата карта. Проблем е тоа што вработените ќе мораат секој ден да ажурираат информации. Исто така овозможено е и преглед на статистика. Сопред ова може да заклучиме дека повеќе од половина од дефинираните кориснички случаи се исполнети.

Дополнителни можности

Orange HRM Open Source како и Attendize се достапни на англиски јазик. За жал на нашиот македонски јазик не е достапен, но да напоменеме дека и двата системи може да бидат преведени и истите да бидат прилагодени и да бидат достапни на македонски јазик. И двата системи немаат никакви ограничувања во врска со поврзување со други системи за пренос на податоци, па така тие лесно би можеле да се поврзат меѓусебно како и да бидат поврзани со некое веќе постоечко, доколку истото постои. Како недостаток да напоменеме дека овие решенија немаат мобилни верзии (апликации) и истите ќе мора да бидат изработени дополнително. Исто така недостаток е и немањето на валидатор за картите кое што како и мобилната верзија ќе треба да се изработи.