Vision

1. Вовед

Денес, дигитализацијата игра клучна улога во унапредување на услугите во угостителството. Со цел да се подобри искуството на клиентите и да се олесни работењето на вработените, се предлага развој на модерна апликација за пицерија која ќе овозможи целосно автоматизиран процес на нарачки и резервации. Апликацијата ќе понуди интуитивен и визуелно привлечен интерфејс преку кој корисниците лесно ќе можат да нарачаат храна, да направат резервација и да изберат начин на плаќање. Ова решение ќе ја зголеми ефикасноста, ќе го намали потребниот човечки ангажман и ќе придонесе за побрза и поквалитетна услуга.

2. Позиционирање

2.1 Дефинирање на проблем

Проблемот на	Недоволна дигитализација и бавен процес на нарачки, резервации и испорака во пицериите.
Ги засега	Kлиентите кои чекаат долго или добиваат погрешни нарачки, вработените во пицеријата кои се преоптоварени со рачно управување со нарачки и комуникација.
Последици од проблемот	Долги чекања, грешки во нарачки, преоптоварени вработени, незадоволни клиенти и намалена ефикасност.
Успешно решение би било	Развој на апликација која овозможува онлајн нарачки, интерактивно мени, резервации, автоматско управување со нарачките и плаќањата.

2.2 Позиција на пазарот

За група корисници	За гости на пицеријата и вработени.
Коишто	Сакаат брзо, едноставно и прецизно нарачување и услуга.
P&A Crust	Лесно онлајн нарачување, интерактивно креирање пици, резервации на маси.
Која овозможува	Онлајн нарачки, резервации, интерактивно мени и автоматско управување со нарачки.
За разлика од	Традиционалниот начин со рачно земање нарачки и ограничена евиденција.
Нашиот продукт	Го подобрува корисничкото искуство и ја зголемува ефикасноста на работењето.

3. Опис на засегнати страни

3.1 Преглед

Име	Опис	Одговорност
Администратор	Газдата на ресторанот	Да прави проверка на порачките, резервациите и прометот.
Вработени	Сите лица кои се во работен однос во ресторанот.	Да прифаќаат нарачки од апликацијата и внесуваат нови нарачки во ресторанот.
Клиент	Секој корисник на апликацијата.	Со користење на апликацијата да резервира маса и да направи порачка.
Развивач на апликацијата	Лице кое е засегнато со развивање и одржување на апликацијата.	Развивање на апликацијата и решавање на проблеми поврзани со апликацијата.

3.2 Корисничка средина

Апликацијата е наменета за сите типови на корисници – од млади кои сакаат брза и лесна нарачка, до семејства кои сакаат да резервираат маса однапред. Погодна е и за луѓе кои сакаат да нарачаат за носење. Благодарение на едноставниот дизајн, можат да ја користат и луѓе што не се многу вешти со технологија, а има доволно функции и за оние што сакаат повеќе контрола и удобност.

4. Преглед на производот

4.1 Потреби и карактеристики

Потреба	Приоритет	Карактеристики
Регистрација/најава	Задолжително	Корисникот се најавува со емаил
Регистрација/најава	Задолжително	Корисникот прави резервација/нарачка
Откажување на резервација/нарачка	Задолжително	Корисникот ја откажува својата резервација/нарачка
Преглед на мени	Задолжително	Сите пици и додатоци видливи за избор
Креирање пица	Задолжително	Уникатна пица на клиент со додавање состојки
Итна нарачка	Задолжително	Опција за побрза достава со доплата
Сметка/плаќање online	Задолжително	Секогаш видлива од десна страна
Статус на порачка	Задолжително	Се гледа дали е во подготовка или готова

5. Други барања (услови)

Барање	Приоритет
Мобилен телефон, таблет или лаптоп/компјутер	Задолжително
Интернет конекција	Задолжително
Пристап до прелистувач	Задолжително