Основна стратегија која ќе ја користиме за да го структурираме нашиот систем е модел на споделени услуги и сервиси т.е клиент – сервер архитектурниот модел. Системот ќе биде оганизиран како множество од услуги кои што клиентите ќе можат да ги користат. Клиентите (студенти, предавачи на курсеви, систем администратори) ќе пристапуваат до услугите што ги нуди еден сервер преку далечински повици до процедури користејќи протокол за комуникација. Нашиот систем ќе биде веб – базиран и ќе има повеќе корисници. Овој модел на архитектурен дизајн најмногу одговара за нашиот систем затоа што додавањето на нов сервер и негово интегрирање со веќе постоечкиот систем на факултетот, не влијае врз останатите делови од тој систем.
Системот ќе користи објектно – ориентиран пристап поради тоа што имплементацијата на објектите може да се модифицира без да се афектираат други објекти. Структурата на системот е лесно разбирлива и објектите може повторно да се употребуваат. Пример за тоа, креирањето нов форум не би предизвикало промени кај веќе постоечките форуми.
Системот за онлајн консултации ќе се состои од трислојна клиент – сервер архитектура. Еден слој за управување со податоци т.е за операциите во базата на податоци на системот (студенти, професори, курсеви итн). Друг слој служи за имплементација на логиката на апликацијата каде што припаѓаат функционалностите на системот, како на пр. креирање нов форум, закажување/откажување термин за консултации и сл. Третиот слој е презентацискиот слој кој што го претставува корисничкиот интефејс и целата интеркација на корисниците со системот.
Во продолжение се дијаграмите за овој систем.
